【#堅So推介】刺激消暑之旅！ 紐西蘭皇后鎮行程推介

想消暑降溫，不試吓驚險刺激嘅高空滑索體驗，可能會令你背後一涼！喺4條高空滑索上飛越森林，將瓦卡蒂普湖同周圍山脈嘅壯觀景色盡收眼底。成個滑索體驗會由慢速開始，等大家比較習慣之後先慢慢提高速度。而且仲會有教練睇住大家，細膽嘅人都唔使太擔心！

如果你鍾意玩海洋公園嘅滑浪飛船，咁你一定會鍾意呢個活動～你將會乘坐快艇，以每小時85公里嘅速度喺特歐瓦河上飛馳！快速穿過高聳狹窄嘅峽谷，更可能會體驗360度旋轉添！快啲約埋一班敢死隊朋友，體驗30分鐘超刺激嘅快感！

另一個刺激嘅體驗就係高空鞦韆！喺呢個行程中，你可以喺峽谷河流上方160米嘅高度，用每小時120公里嘅速度穿過峽谷！你仲可以坐住鞦韆向前向後擺動，增加刺激感，感受大自然清爽嘅風，為自己降溫！

想降溫其實唔一定要靠追求刺激嘅～想揀文靜小小嘅活動，千祈唔好錯過經典景點——冰吧！酒吧係由25 噸手工雕刻玻璃狀冰建築建成，充滿納維亞風格，好適合打卡。一邊欣賞賞心悅目嘅冰雕藝術，一邊品嘗雞尾酒，體驗紐西蘭嘅夜生活！