【#堅So推介】富士山攻頂前做好準備！登山裝備租借服務推介

LaMont係一間專門提供攀登富士山嘅裝備租借服務公司，由登山服裝、登山背包到登山杖等配件都應有盡有，亦有多款尺碼、顏色選擇。裝備租借服務有基本嘅一套7件Full Set，同一套10件Perfect Set。

預約方法：只要喺官網提前付款預約並填寫租借內容、登山日期及預訂日數，選擇登山當日到LaMont 河口湖店舖領取 / 五合目「富士山みはらし」領取即可

YamaRent同樣提供預先網上預訂，到埗提取服務。商品種類相對上有較多選擇，自由度較大，租借套裝可以揀每套2件至每套12件！除咗可以選擇喺分店租借同歸還，亦有免費寄送到日本酒店服務（租借滿$10,000日元），同時亦可選擇寄送歸還，十分方便！

天空之下都係一間專門提供攀登富士山嘅裝備租借店，有一套6件同一套7件嘅租借組合選擇，由初學裝備到專業登山嘅配備都有，亦有提供試穿服務，可以按需要再作決定！

完成租借登山裝備，預備登山未？不妨考慮參加組團導覽，由專業導遊帶領體驗登上富士山嘅樂趣！Klook嘅呢個2日1夜導覽團，包車接送往返新宿市區，喺富士山七合目嘅一間山間小屋過夜，非常有Feel，第二日仲有得喺山頂睇日出同浸温泉～另外包早、午、晚三餐6-12歲小同都可以參與，一家大細去玩都無問題