【#堅So推介】煙花季又到🎆必睇日本花火大會推介

日本各地都會舉行花火大會，到時除咗煙花表演，仲會有祭典等一系列慶祝活動！好想好似日劇咁，著住浴衣，同另一半或者好朋友近距離欣賞煙花綻放，感受浪漫氣氛？即刻睇以下嘅日本花火大會推介，提前Plan行程啦👇

位於靜岡嘅熱海花火大會，一年四季都會舉行，而2023年就會由4月舉行至12月，總共會有13場添！大家可以參加大室山&城ヶ崎海岸&熱海花火大會一日遊，行程由東京出發，除咗可以欣賞著名電影《你的名字》入面嘅隕石坑原型——大石山嘅美景！仲可以去城崎海岸海灘漫步，探訪歷史悠久嘅城崎温泉寺，最後觀賞精彩嘅煙花表演，結束一日充實嘅行程！

2023年正值迪士尼成立100週年，日本各地將會舉行以迪士尼音樂為主題嘅花火大會，地點包括：大阪、冲繩、山梨、茨城、山口及宮崎。大家可以伴隨住迪士尼耳熟能詳嘅名曲，欣賞絢爛嘅煙花點亮夜空！而家預訂門票，仲可以得到原創商品一份添！

九州一煙花大會係日本西部最大嘅煙花表演，總共發射22,000發煙花！場面壯觀，鍾意睇煙花嘅你此生必去！參加一日遊會由福岡出發，到達會場後仲可以喺特別觀賞席欣賞煙花！除咗煙花，夜晚仲有得睇埋燈光秀，參加限時活動、睇表演同參觀博物館！