【#堅So推介】夏天必玩！香港熱門水上活動+課程

有「港版馬爾代夫」之稱嘅綠蛋島，係香港近年嘅水上活動熱點，綠蛋島水好清澈，而且水清沙幼，無論係水上活動定去沙灘Chill一Chill都好適合！大家可以喺附近租借獨木舟同浮潛用品，盡情欣賞大自然同水底下嘅靚景

想趁夏天學識衝浪，乘風破浪？不如報課程取吓經啦！呢個位於大嶼山長沙沙灘嘅課程，由經驗豐富教練教學，從零教你衝浪嘅技巧。而且可以揀一對一私人教學，都可以拉埋朋友，二人或者三人小組開班！三人一班嘅話，平均每位只要$450，絕對係至抵選擇！5歲以上嘅小朋友都可以參加㗎！

自問體力同運動神經唔算好？其實都可以考慮比較靜態嘅直立板～只要掌握平衡感，無論大人定小朋友都可以輕鬆上手！更快學識，可以參加課程，由專業導師教導及傳授經驗，練習多幾次，你都可以玩得更盡興！

風箏衝浪係集風箏同衝浪於一身嘅水上活動，由風箏帶動你滑行，非常刺激！但呢項運動需要一定嘅技巧，所以不妨考慮上課程啦！由專業教練親身指導，就可以快速上手風箏衝浪技巧～呢個夏天，盡情體驗喺水上飛馳嘅感覺啦！