Day 1
「百年歷史老街」迪化街
迪化街喺清朝末期開始發展，曾經係台灣茶葉、布料等商品嘅主要集散地，至今仍然保留住濃厚嘅歷史風情，而家呢度匯聚咗台灣嘅傳統產品，包括茶葉、中藥、南北貨等，仲融合咗古老嘅歷史建築同現代嘅商業活動，形成咗獨特嘅文化景觀。每到過年時節，呢度都會人滿為患，亦係當地人俗稱嘅年貨大街，而平常則係大眾間唔中會嚟行吓嘅文化之地，啲店舖大多營業到晚上，推介你試試道地嘅台灣糕點，同埋去啲文創小店。
「拜月老求紅線」霞海城隍廟
霞海城隍廟係台灣神像密度最高嘅廟宇，吸引咗唔少信眾前往參拜，此廟已有超過200年嘅歷史，為台北城嘅守護神，亦係大稻埕迪化街一帶重要嘅民間信仰。其中最吸引遊客嘅，莫過於拜月老啦！無論係單身男女或者情侶都很適合前往參拜，幫助祈得姻緣、穩固良緣，每到情人節，嚟呢度求紅線嘅人更係絡繹不絕㖭！
「悠閒好風光」大稻埕碼頭
大稻埕碼頭位於淡水河畔，係台北重要嘅歷史文化景點。以往大稻埕碼頭係台北嘅貿易中心，外商洋行紛紛喺度設立商號，促成大稻埕嘅繁榮。如今嘅大稻埕碼頭已轉型為民眾休閒遊憩嘅去處，而呢度嘅貨櫃市集，更吸引咗眾多遊客。大稻埕碼頭貨櫃市集融合了歷史、文化與美食，讓遊客可以一次體驗多重感受。市集內販售各式美食、手作商品、藝文創作等，下晝或者夜晚可以坐喺隔離嘅座位區欣賞風景，唔少人都鍾意嚟呢度踩單車同搭船，享受悠閒時光。
Day 2
「花卉園林天地」士林官邸公園
士林官邸原為日治時期總督府園藝支所用地，後因此地環境清幽，三面環山，山清水秀且交通便利，獲後來省主席陳誠親自勘選為總統官邸預定地。士林官邸唔單淨係歷史建築，亦都係重要嘅文化資產。士林官邸內嘅園林造景精緻，花卉爭奇鬥豔，係欣賞花卉最佳去處，外花園以西式庭園為主，其中以玫瑰園最為著名。內花園則以中式庭園為主，有小橋流水、假山涼亭等景致；呢度周不時會舉辦各式展覽活動，俾民眾同遊客深入了解歷史與文化。
「中華文化瑰寶」故宮博物院
台北故宮博物院收藏嘅文物涵蓋咗中國五千年嘅歷史，收藏超過70萬件文物，包含陶瓷、書畫、青銅器、玉器、雕塑等多個門類，其中不乏國寶級文物，如翠玉白菜、肉形石、毛公鼎等，展品精美絕倫，不僅具有好高嘅藝術價值，也蘊含深厚嘅歷史文化內涵。博物院有多種參觀方式，你可以自助參觀，或者選擇導覽參觀及參加專題講座，深入探究中華文化，走訪結束後不妨喺故宮外走走，陶冶性情，故宮內亦有用餐區可以稍憩休息。
「夜市文化縮影」士林夜市
士林夜市係台北市最大嘅夜市，亦係國外觀光客造訪台北必遊之地，早喺1910年就已經建立，由於慈諴宮嘅原因，慢慢地形成一個小吃攤販聚集地，而如今則變成繁榮嘅大型夜市。
嚟士林夜市肯定要好好品嘗美食啦，夜市內攤販琳瑯滿目，由台灣地道小食到國際美食都買得到，尤其絕對唔可以錯過外酥內嫩嘅家鄉碳烤香雞排同美味多汁嘅士林大香腸，食完飯仲可以體驗吓台灣夜市遊戲攤位哦！
