泰國熱門景點推介

唔準諗即刻答，去泰國一定要嘅嘢係乜🇹🇭？相信唔少人都會答歎泰式按摩💆🏻‍♀️！Let's Relax Spa貴為泰國人氣按摩店，唔止多分店，而曼谷店更開喺購物中心入面🛍️，地點非常方便！唔止啊，佢哋請嘅好多都係熟手技師，手法超正宗又舒服🥳！按完摩仲有芒果糯米飯食，個身同個胃都超滿足🥭！

邊度嘅泰拳最正宗🥊？仲使講，梗係泰國啦！要欣賞拳拳到肉，最刺激、最正宗嘅泰拳拳賽，就要嚟泰國歷史最悠久的泰拳比賽體育館Rajadamnern Stadium睇先過癮👀！呢座體育館已經有75年歷史，每星期一、三、四、日晚上都會舉辦9場比賽🤩！
如果手頭鬆啲，仲可以揀坐VIP位，畀你近距離感受嗰種你一拳我一拳嘅刺激感🫣！拳手出盡全力嘅表現及精神，完全牽引住大家嘅情緒，氣氛一流🥳！現場仲有爆谷，飲品供購買，畀你大飽眼福之餘，仲大飽口福😋！

近呢幾年好多人去泰國都鍾意上烹飪班🍳，嚟到當地學返兩味正宗泰菜，返嚟煮畀屋企人食，包保個個大讚好味😋！松蓬泰式烹飪學校位於曼谷中心地帶，交通方便🛻！另外，導師會超細心講解，就算英文唔好都可以透過肢體語言了解，夠晒體貼❤️！

專業工作人員會帶你玩轉ATV，教你基本控制技巧同駕駛小貼士，仲會用有趣嘅試駕同解說講解，學識一個全地形車嘅本領！👨‍🏫💡穿越芭堤雅迷人風景同鄉村地形，開心過癮就係咁簡單！🌄🏞️ 行程中仲可以探索大自然嘅荒野，經過當地嘅水果農場同細細村莊，感受地道泰國嘅鄉村風情！🌾🍓