富士山登頂之旅！2023登山團推薦

每年7月至9月都係富士山開山嘅時間，只有呢段時間先有得上山，所以一定要做好準備！除咗裝備、交通，仲要提前預訂喺山上嘅膳食同住宿等等，如果唔想每樣都自己落手Book，不如考慮參加登山團啦～有工作人員會打點好一切，同時有專業教練帶領，成個過程都會輕鬆唔少！以下就為大家推薦2023富士山登山團！👇

日文唔精通嘅，可以選擇喺中文網站上預約登山團，呢一個適合新手嘅登山團，7/1-9/10 日日都可以成團出發，每團約20人左右～從新宿出發，會有巴士接送，唔使擔心交通問題。行程中有專業日本登山嚮導帶領，從五合目出發 一路攻到八合目！登頂後更會送溫泉體驗，放鬆疲倦嘅身心靈～ 

呢個登山團最吸引嘅地方就係會帶領大家登上頂峰，觀賞「十合目」嘅御來光，感受俾日出光環照耀嘅神聖感！登山時會有山岳嚮導(只會說日語)、日語領隊、英語導遊3人同行。到達山頂時，可以免費參加由專業山岳嚮導帶領嘅「繞火山口一周」行程，參觀山頂火山口。完成登山後，仲可以一邊欣賞富士山美景，一邊享受天然溫泉，舒緩疲勞！

希望融入當地，結交日本登山朋友嘅話，可以選擇日本當地嘅登山團～目前有較多帶團經驗，而且可以俾海外旅客參加嘅有SunShineTour 同 Willer 呢兩間，但係語言要求較高，要有基本日語溝通能力先好報啊！SunShineTour 有多種登山團，選擇自由比較大，你可以選擇喺日本邊一個地點出發、行邊一條登山路線、飲食安排等等。想一次過預約埋裝備、亦可以直接買旅遊套票！

WillerExpress主打有充足休息時間，前進速度唔會太快嘅登山體驗，所以唔使太擔心體力問題，比較適合新手。而且設有英語指導員、預約素食餐點、額外預訂溫泉、租借登山裝備等服務。參加登山團好多時都要一大班人逼一間房，但WillerExpress有2人1房嘅方案，亦貼心為每一位參加者購買保險，避免登山中發生事故等突發狀況