自駕遊Ready！海外旅行租車公司推介

Alaom喺世界各地都有取車點，包括大熱旅遊地點，例如日本、韓國、英國等地～車種方面有日系、美規車、轎車、休旅車（SUV）等等任揀。Alaom官網亦簡單易用，只需要輸入取車嘅日期、時間、城市等資料，  就會彈出所有可供租借嘅車輛類同價錢。而且收費比較透明，亦強調唔會有其他隱藏收費，可以一試！

 Hertz會不定時推出租車優惠，有時提早預約租車服務，會有早鳥折扣優惠，大家可以提早睇定優惠資訊！除咗租車服務，Hertz仲提供機場接送服務，以及附帶司機嘅租車服務，就算唔想揸車，都仲有一系列車型畀你揀，等你可以坐住心水靚車，準時到目的地！

Avis喺香港有實體分行，而且喺全球177個國家同地區都有服務，無論你去邊到旅行都租到～車種選擇上好豐富，靈活嘅小型車、家庭車，又或者適合唔同地形嘅越野四驅車都有，就算係上山探險都可以，配合你唔同嘅行程需要～

Budget遍佈全球大約120個國家，總共有超過3,500個站點，等你喺世界各地輕鬆租車，隨時享受旅程！值得一提嘅係，國泰會員經Budget租車，仲可以賺500 Asia Miles里數，不知不覺就可以飛多轉！

Enterprise全球有8,000個服務點，加上有App，可以透過App輕鬆租車、管理訂單同埋搵到最近嘅服務點，非常方便！有時諗唔到租咩類型嘅車好？Enterpise有貼心嘅You Click.We Pick服務，只要點擊價錢，佢哋就會隨機幫你揀一部5人車，最適合心大心細嘅你～網站上除咗有租車服務，仲有唔少介紹自駕遊景點嘅文章，如果你諗唔到下一個旅程要去邊，不妨上去睇睇！